پاکستان کی معروف میزبان ڈاکٹر شائستہ لودھی نے جب اپنا یوٹیوب چینل شروع کیا تو اس پروگرام کے سب سے پہلے مہمان مولانا طارق جمیل صاحب تھے۔
شائستہ لودھی نے مولانا صاحب سے ان کی زندگی کے بارے میں دلچسپ سوالات کیے جس کا طارق جمیل صاحب نے جواب دیا۔
شائستہ نے سوال کیا کہ آپ کی اہلیہ کو آپ کی والدہ نے پسند کیا تھا یا وہ آپ کی پسند تھیں؟ اس سوال کا مولانا طارق جمیل صاحب نے ایسا جواب دیا کہ دونوں ہی کھلکھلا کر ہنس پڑے۔
طارق جمیل نے جواب دیا کہ ایک مولانا کو کون اپنی بیٹی دیتا ہے۔
بعدازاں مولانا نے جواب دیا کہ میں کسی جگہ بیان دے رہا تھا وہاں کچھ عورتیں ایک دوسرے سے پوچھ رہی تھیں کہ مولانا کی شادی ہوئی ہے یا نہیں؟ وہاں میری بہن بھی موجود تھی، اس نے جواب دیا کہ اسے کوئی لڑکی نہیں دیتا۔
مولانا نے بتایا کہ میری ساس بھی وہاں موجود تھیں، انہوں نے کہا کہ کیوں نہیں، ہم انشااللہ دیں گے اور یوں میرا رشتہ ہوگیا۔