پاکستان بھر میں شوگر کے مریض ایک دوا استعمال کرتے ہیں جو انتہائی آسانی سے مل جاتی ہے، یہ دوا سستی بھی ہے۔ اس کا نام گلوکوفیج ہے جبکہ کچھ ممالک میں اسے میٹفورمن بھی کہا جاتا ہے۔
دنیا بھر میں ذیابیطس کا شکار افراد یہ دوا استعمال کر رہے ہیں، لیکن اب امریکہ میں ہونے والی تحقیق میں دریافت کیا گیا ہے کہ یہ کورونا وائرس کے بدترین اثرات کی روک تھام میں بھی کردار ادا کرسکتی ہے۔
تفصیلات کے مطابق موٹاپا اور ذیابیطس کووڈ 19 سے اموات کا باعث بننے والے 2 بڑے خطرات ہیں۔ دریافت میں یہ بات بھی سامنے آئی کہ کورونا وائرس سے موت کا خطرہ 21 سے 24 فیصد تک ان مریضوں میں کم کیا جاسکتا ہے جو پہلے ہی اس دوا کو ذیابیطس اور بلڈ شوگر لیول کو کنٹرول میں رکھنے کے لیے استعمال کر رہے ہیں۔
محققین کے مطابق لوگوں کو اس دوا کو وائرس کا علاج نہیں سمجھنا چاہیے۔
واضح رہے مذکورہ تحقیق مینیسوٹا یونیورسٹی کی پری پرنٹ تحقیق ہے یعنی یہ تاحال کسی طبی جریدے میں شائع نہیں ہوئی ہے۔