کورونا وائرس کے حوالے سے ہر روز نت نئی تحقیق سامنے آرہی ہے جبکہ اب امریکی سائنس دانوں کی جانب سے یہ دعویٰ کیا جارہا ہے کہ تحقیقی مطالعے کے بعد یہ بات ثابت ہوئی کہ سورج کی تیز شعاعیں کورونا وائرس کو صرف 34 منٹ میں ختم کرسکتی ہیں۔
ریسرچ کے مطابق برطانیہ میں رواں ہفتے درجہ حرارت میں اضافہ ریکارڈ کیا جارہا ہے جو کورونا وائرس سے متعلق مثبت رہے گا۔
سورج کی تپش اور تیز شعاعیں وائرس کے پھیلاؤ کو بھی روکنے میں معاون کردار ادا کر رہی ہیں جبکہ ممکنہ طور پر ملک میں وائرس کا رسک بھی کم ہوگا، شہری رواں ہفتے سَن باتھ سے لطف اندوز ہوسکتے ہیں جو کورونا کے خلاف معاونت کرے گا۔
تحقیق کرنے والے سائنس دان جوس لوئس نے کہا ہے کہ سورج کی تیز تپش کورونا وائرس کو 34 منٹ میں ختم کرسکتی ہے، سورج کی روشنی مختلف شہروں میں کورونا کے خلاف اثرانداز ہوگی۔