جب آپ پینٹ خریدنے جاتے ہیں تو ٹرائی روم میں پہن کر چیک کرتے ہیں کہ یہ آپ کو ٹھیک طرح آرہی ہے یا نہیں، لیکن اب ایک فیشن بلاگر نے پتلون بغیر پہنے یہ معلوم کرنے کا حیران کن طریقہ بتا دیا۔
میل آن لائن کے مطابق ان خاتون بلاگر کا نام بلی نیولینڈ ہے جنہوں نے اپنے ٹک ٹاک اکاﺅنٹ پر پوسٹ کی گئی ویڈیو میں پینٹ کی کمر اور لمبائی بغیر پہنے معلوم کرنے کا منفرد طریقہ بتایا ہے۔
سب سے پہلے وہ ویسٹ معلوم کرنے کا طریقہ بتاتی ہیں کہ پینٹ کا بٹن بند کرکے اپنی کلائی اس میں ڈالیں۔ اگر آپ کی کہنی سے ہاتھ کے گھٹنے تک کلائی پینٹ میں بالکل فکس آرہی ہے تو یہ پینٹ بھی آپ کو ٹھیک آئے گی، لیکن اگر آپ کی کلائی پینٹ میں جانے کے بعد کچھ جگہ بچ رہی ہے تو پینٹ کی کمر آپ کے بڑی ہوگی اور اگر کلائی اندر نہیں جا پارہی یا پھس رہی ہے تو پینٹ آپ کو چھوٹی ہے۔
اس طرح پینٹ کی لمبائی جاننے کے لئے بلی نیولینڈ پینٹ کی دونوں ٹانگوں کے سروں کو دونوں ہاتھوں سے پکڑ کر مخالف سمت میں بازو پھیلا دیتی ہے۔ اس طرح اگر پینٹ کی لمبائی آپ کے بازوﺅں کے پھیلاﺅ کے برابر ہے تو یہ آپ کو پوری ہے اور اگر یہ آپ کے بازوﺅں کے پھیلاﺅ سے چھوٹی یا بڑی ہے تو اس کی لمبائی بھی آپ کے لئے اسی نسبت سے چھوٹی یا بڑی ہوگی۔
ویڈیو ملائحظہ کریں۔