حکومتِ بلوچستان کے ترقیاتی اقدامات کے نتیجے میں ضلع شیرانی میں منظور کیے گئے 116 ترقیاتی منصوبوں میں سے 115 منصوبے کامیابی سے مکمل کر لیے گئے ہیں۔
سرکاری ذرائع کے مطابق 689.99 ملین روپے کی لاگت سے مکمل ہونے والے ان منصوبوں کے باعث علاقے کے عوام کو پینے کے صاف پانی، سڑکوں کی تعمیر، صحت اور تعلیم جیسی بنیادی سہولیات کی فراہمی ممکن ہوئی ہے، جس سے مقامی شہریوں کے معیارِ زندگی اور علاقے کی سماجی و معاشی صورتحال میں نمایاں بہتری آئی ہے۔