نیشنل ہائی ویز اینڈ موٹروے پولیس نے ایم ٹو ساؤتھ پر خانقاہ ڈوگراں کے قریب سفر کرنے والے ڈرائیوروں اور مسافروں کے لیے حفاظتی ہدایات جاری کی ہیں۔
موٹروے پولیس کے ترجمان کے مطابق خانقاہ ڈوگراں نارتھ باؤنڈ پر فرنٹیئر ورکس آرگنائزیشن (FWO) کی جانب سے سڑک کی مرمت اور پیچ ورک کا کام جاری ہے، جس کے باعث سڑک کی دوسری اور تیسری لین کو تقریباً 200 سے 250 میٹر کے رقبے پر عارضی طور پر بند کر دیا گیا ہے۔
متاثرہ مقام پر کونز اور ڈائیورژن بورڈز نصب کر دیے گئے ہیں جبکہ ترجمان نے ڈرائیوروں کو گاڑیوں کی رفتار کم رکھنے، لین ڈسپلن کی پابندی کرنے اور سفر کے دوران مکمل احتیاط برتنے کی ہدایت کی ہے۔