کورونا وبا کے علاج کے لئے دنیا بھر میں ملیریا کی دوائیں استعمال کی جارہی ہیں تاہم حال ہی میں امریکی ماہرین کی جانب سے اس دوا کے خطرات سے آگاہ کر دیا گیا۔
امریکا میں امراض قلب کے ماہرین کا کہنا ہے کہ کووڈ انیس کے مریضوں کو اینٹی ملیریا دواؤں کا استعمال کرایا جا رہا ہے جس سے دل کا دورہ پڑنے کا خطرہ ہوسکتا ہے۔
اس حوالے سے یونیورسٹی آف اوریگن ہیلتھ اینڈ سائنسز (او ایچ ایس یو) اور انڈیانا یونیورسٹی کے ماہرین نے ہدایت کی ہے کہ کووڈ 19 کے مریضوں کو ملیریا اینٹی بائیوٹکس کے امتزاج کے ساتھ علاج کرنے والے ڈاکٹروں کو ان مریضوں کے دل کے نچلے حصے میں غیر معمولی دھڑکنوں پر بھی نظر رکھنی چاہئے۔
ماہرین کا کہنا ہے کہ علاج کے دوران مریضوں کے قلب کا نچلا حصہ تیزی دھڑکتا ہے اور اس سے انہیں دل کا دورہ پڑ سکتا ہے۔