بالی ووڈ کے سپر اسٹار اکشے کمار نے کورونا وائرس کے حوالے سے ماسک کے استعمال کی آگاہی فراہم کرنے کے لئے اپنے ٹوئٹر ہینڈل سے ایک ویڈیو شیئر کی جس میں لوگ اپنی مختلف زبانوں میں ماسک نہ پہننے والے کو کوس رہے ہیں۔
ویڈیو میں اکشے کمار کا کہنا ہے کہ اگر آپ نہیں چاہتے کہ آپ کو بھی مختلف زبانوں میں برا بھلا کہا جائے تو خاموشی سے ماسک کا استعمال کریں۔
اکشے کمار نے جیسے ہی یہ ویڈیو شیئر کی تو ان کی اہلیہ ٹوئنکل کھنا نے اپنے شوہر پر ماسک کی چوری کا الزام لگا دیا۔
ٹوئنکل کھنا نے اکشے کی ٹوئٹ کو ری ٹوئٹ کرتے ہوئے لکھا کہ احتیاطی تدابیر اختیار کرنے کے ساتھ ساتھ اپنا خود کا ماسک لگائیں اور اپنے پارٹنر کا دھلا ہوا، خوبصورت اور فلورل پرنٹ والا ماسک مت چرائیں۔
واضح رہے کہ اکشے کمار اور توئنکل کھنا اکثر سوشل میڈیا پر مزاحیہ نوک جھونک کرتے نظر آتے ہیں۔