قومی کرکٹ ٹیم کے سابق کپتان شاہد آفریدی نے سوشل میڈیا پر اپنی بیٹی اور
ٹی ٹوئنٹی کے کپتان بابر اعظم کی شادی سے متعلق افواہوں کی تردید کردی۔
تفصیلات کے مطابق گزشتہ کچھ دنوں سے یوٹیوب پر کچھ اکاونٹس کی جانب سے اس حوالے سے ایسی جھوٹی خبریں پھیلائی گئیں کہ بابر اعظم نے شاہد آفریدی کی بیٹی سے شادی کی بات کی۔
اس حوالے سے مائیکرو بلاگنگ ویب سائٹ ٹوئٹر پر شاہد آفریدی نے کہا کہ مہربانی فرما کراس طرح کی جھوٹی افواہ کو پھیلانے سے گریز کریں ،میری تمام صارفین سے گزارش ہے کہ سوشل میڈیا ذمہ داری کے ساتھ استعمال کریں ،جھوٹی افواہیں پھیلانے سے گریز کریں جس سے متعلقہ لوگوں کو پریشانی ہو۔