کچھ روز قبل پاکستانی ڈرامہ انڈسٹری کی معروف اداکارہ سلمیٰ ظفر کی ایک ویڈیو وائرل ہوئی تھی جس میں وہ یہ کہہ رہی تھیں کہ جویریہ اور سعود نے انہیں ڈرامہ میں کام کرنے کے پیسے نہیں دیے۔
سلمیٰ ظفر کی ویڈیو کے بعد کئی اداکاروں نے بھی جویریہ اور سعود سے متعلق یہ ہی بیان دیا۔ تاہم اب ایک اور ابھرتے ہوئے اداکار حسن خان نے اپنے انسٹاگرام اکاؤنٹ پر ایک ویڈیو اپ لوڈ کی جس میں وہ کہہ رہے ہیں کہ میں نے حال ہی میں ان کی پروڈکشن میں کام کیا ہے، اور مجھے ڈیڑھ سال سے اس کا معاوضہ نہیں ملا ہے۔
حسن خان کا کہنا تھا کہ ہر سال آپ لوگ رمضان میں لوگوں کو دین کی دعوت دیتے ہیں لیکن سب سے ضروری حقوق العباد ہوتے ہیں، آپ کے پاس اتنا بڑا بنگلہ ہے، گاڑی ہے۔ یہ بات مجھے سمجھ نہیں آتی کہ لوگ کیسے اتنے لوگوں کا حق مار کے آرام سے سو سکتے ہیں۔
حسن خان کا اس حوالے سے مزید کہنا تھا کہ میں نے اپنا معاملہ اللہ پر چھوڑ دیا ہے۔
تاہم اسی حوالے سے سوشل میڈیا پر ایک کانٹریکٹ کی تصویر بھی وائرل ہورہی ہے، جس کے بارے میں یہ دعویٰ کیا جارہا ہے کہ یہ حسن خان کے کانٹریکٹ کی تصویر ہے اور یہ ایک واضح ثبوت ہے۔
