پاکستانی ڈرامہ و فلم انڈسٹری کی نامور اداکارہ حریم فاروق لاکھوں دلوں پر راج کرتی ہیں، نا صرف ان کی اداکاری کو لوگ پسند کرتے ہیں بلکہ حریم فاروق کے بولنے کا انداز لوگوں کو بہت پسند آتا ہے۔
اداکارہ نے سماجی رابطے کی ویب سائٹ انسٹاگرام پر اپنی ایک خوبصورت تصویر شیئر کی اور ساتھ ہی اپنے مداحوں کو یہ نصیحت بھی کردی کہ اگر زندگی میں کچھ اچھا نہ لگے تو آپ کو کیا کرنا چاہیے؟
اداکارہ نے سبز رنگ کے جوڑے میں ملبوس تصویر کے کیپشن میں تحریر کیا کہ 'جب اردگرد کے رنگ پھیکے پڑجائیں تو سبز رنگ زیب تن کریں'۔
اداکارہ کا اردگرد کے رنگ پھیکے پڑجانے سے مراد زندگی کا بے معنی ہوجانا تھا یعنی جب آپ کو کچھ اچھا نہ لگ رہا ہو تو سبز رنگ کو اپنے قریب کرلیں، اس سے یقیناً آپ کو تازگی کا احساس ہوگا۔