لندن کے نامور سائنسدان نے کورونا وائرس کے حوالے سے ہولناک انکشاف کیا جس نے سب کو پریشانی میں مبتلا کردیا ہے۔
تفصیلات کے مطابق سائنسدان 'سر مارک' کی جانب سے یہ دعویٰ کیا گیا ہے کہ کرونا وائرس دنیا سے مکمل طور پر ختم نہیں ہوسکتا۔ یہ کسی نہ کسی شکل میں ہمارے ساتھ موجود رہے گا۔
غیر ملکی خبررساں ادارے کی ایک رپورٹ کے مطابق سائنس دان اور برطانوی سائنس ایڈوائزری گروپ کے سابق رکن سر مارک کا کہنا ہے کہ کورونا ویکسین مہلک وائرس پر قابو پا تو لے گی لیکن اس کا ہمیشہ کے لیے خاتمہ نہیں ہو سکتا۔
انہوں نے بتایا ہے کہ جس طرح نزلے کی بیماری کے لیے ہم دوائیاں لیتے ہیں اور مرض ختم ہوجاتا ہے لیکن بعد میں دوبارہ اس کے حملے کا امکان رہتا ہے بالکل اسی طرح کورونا کا بھی علاج کرتے رہنا ہوگا، وائرس دنیا میں ہمیشہ رہے گا۔