بالی ووڈ کے سپر اسٹار اکشے کمار نے اپنے ایک لائیو سیشن کے دوران یہ انکشاف کیا کہ وہ روز صبح گاۓ کا پیشاب پیتے ہیں۔
سماجی رابطے کی ویب سائٹ انسٹاگرام پر اداکارہ ہما قریشی اور بیئر گرلز کے ساتھ لائیو شو کے دوران اداکار نے گائے کا پیشاب پینے کا انکشاف کیا۔
بات کا آغاز یہاں سے ہوا کہ اداکار اکشے کمار نے کچھ روز قبل برطانوی ایڈونچرس بیئرگرلز کے نامور پروگرام ''دی وائلڈ ود بیئر گرلز'' شو میں شرکت کی۔ پروگرام کی شوٹنگ کے دوران انہوں نے ہاتھی کے فضلے سے تیار کردہ چائے پی جس کا کافی ذکر ہوتا رہا ہے۔
تاہم اسی متعلق اداکارہ ہما نواب نے اکشے سے سوال کیا کہ آخر انہوں نے ہاتھی کے فضلے سے تیار گئی کی چائے پینے کی ہمت کیسے کی؟ جواب میں اداکار نے کہا، ''مجھے زیادہ پریشانی کا سامنا نہیں کرنا پڑا، میں تو اتنا پرجوش تھا کہ فکر کی کوئی بات نہیں تھی کیونکہ میں ہر روز صبح گائے کے پیشاب کو آیورویدک دوا کے طور پر استعمال کرتا رہا ہوں، تو میرے لیے یہ کوئی بڑی بات نہیں تھی"
واضح رہے ہندو مذہب میں گاۓ کے پیشاب کو بہت مقدس مانا جاتا ہے، ہندوؤں کے مطابق اس میں بہت سی بیماریوں کا علاج ہے۔