میرا دوست افضل انتقال کر گیا اب وہ اس دنیا میں نہ رہا۔۔۔ خلیل الرحمان افسردہ ہوگئے

پاکستانی ڈرامہ انڈسٹری کا سب سے زیادہ مشہور و معروف ڈرامہ '' پیارے افضل'' کسی تعارف کا محتاج نہیں جس نے نومبر 2013 میں مقبولیت کے سارے ریکارڈ توڑ دیئے تھے۔ جس کو حمزہ علی عباسی کی جاندار کرداری نے چار چاند لگا دیئے تھے۔
اس ڈرامہ کے حوالے سے بڑی خبر سامنے آرہی ہے کہ '' پیارے افضل انتقال فرماگئے''۔ جس کو سن کر شائقین کو ایک بڑا دھچکہ لگا۔
ڈرامہ کے مصنف خلیل الرحمان قمر فرماتے ہیں:
'' میرا محسن دوست، افضل، جس کے نام پر میں نے یہ مقبول ترین ڈرامہ ” پیارے افضل ” لکھا تھا وہ انتقال کر گیا اب وہ اس دنیا میں نہ رہا''۔
انھوں نے مذید یہ کہا کہ:
''تمام ناظرین اور شائقین میرے دوست کی مغفرت اور بخشش کے لئے دعا کریں۔ مجھے بے حد افسوس ہے اپنے قریبی ساتھی سے بچھڑنے کا''۔
واضح رہے ڈرامہ '' پیارے افضل'' میں افضل کا کردار حمزہ علی عباسی نے بخوبی ادا کیا تھا جبکہ عائزہ خان، سوہائی علی ابرو، ثنا جاوید، صبا حمید، فردوس جمال، صبا فیصل اور انوشے عباسی بھی کاسٹ میں شامل تھے۔