آئس لینڈ کی وزیراعظم کیٹرین جیکبز ڈوٹر اپنے آفس سے انٹرویو دے رہی تھیں کہ اسی گفتگو کے دوران زلزلہ آ گیا۔ کیٹرین نے نوٹ کیا کہ ان کی ٹیبل اور کمرے کی دیواریں ہلنا شروع ہوگئی ہیں اور زلزلہ آ رہا ہے، لیکن پھر بھی خاتون سوال کا جواب دیتی رہیں، زلزلے کے۔ دوران کچھ دیر رکیں اور صورت حال کو جانچنے کی کوشش کی۔ وہ تھوڑا کنفیوز ہوئیں مگر ان کے چہرے پر خوف کے زیادہ تاثرات نظر نہیں آئے۔
اسی دوران زلزلے کا ایک اور جھٹکا آیا جس پر وہ پریشان ہوئیں مگر ہنستے ہوئے اینکر سے کہنے لگیں کہ میرے خیال میں زلزلہ آ رہا ہے مگر پریشانی کی کوئی بات نہیں۔
اینکر نے سوال کیا کہ جب زلزلہ آیا آپ گھبرائی نہیں اور نہ ہی انٹرویو روکا، آپ کافی بہادر خاتون ہیں۔ اس پر خاتون وزیراعظم نے کہا کہ "میں اپنے آفس میں بیٹھی ہوں اور یہاں زلزلے آتے رہتے ہیں اس میں پریشانی والی کوئی بات نہیں"۔ خاتون وزیراعظم کی یہ ویڈیو سوشل میڈیا پر دیکھتے ہی دیکھتے وائرل ہوگئی جبکہ انہوں نے جذبات پر قابو رکھتے ہوۓ گفتگو جاری رکھی۔