پاکستان میں کورونا وائرس کی دوسری لہر شدت اختیار کرنے لگی، گزشتہ چوبیس گھنٹوں میں 48 افراد جان سے گئے۔
نیشنل کمانڈ اینڈ آپریشن سینٹر (این سی او سی) کے مطابق گزشتہ روز ملک بھر میں کورونا وائرس کے 38 ہزار 165 ٹیسٹ کئے گئے، جن میں سے 2 ہزار 954 مثبت کیسز سامنے آئے ہیں جبکہ چوبیس گھنٹوں میں 48 افراد اس وائرس کا شکار ہوکر جان کی بازی ہار گئے۔
سرکاری اعداد و شمار کے مطابق ملک بھر میں اس وقت کورونا کے مصدقہ فعال مریضوں کی تعداد 40 ہزار 379 ہے، جن میں سے ایک ہزار 751 کی حالت تشویشناک ہے۔
واضح رہے کہ گزشتہ چوبیس
گھنٹوں کے دوران ملک بھر میں 875 مریض کورونا سے صحتیاب بھی ہوئے ہیں۔