جنوبی افریقہ سے تعلق رکھنے والے ایلون مسک کے بارے میں بہت سے جانتے ہی ہیں جو ٹیسلا اور اسپیس ایکس جیسی کمپنیوں کے مالک ہیں اور اپنے منفرد منصوبوں کے لئے جانے جاتے ہیں۔
مگر 2020 ان کے لئے کورونا وائرس کے باوجود زبردست سال ثابت ہوا ہے خاص طور پر اثاثوں میں اضافے کے لیے، جو پہلی بار بل گیٹس کو پیچھے چھوڑ کر دنیا کے دوسرے امیر ترین شخص بن گئے ہیں۔
بلومبرگ کی ایک رپورٹ کے مطابق بروز پیر ایلون مسک کے اثاثوں میں 7.2 ارب ڈالرز کا اضافہ ہوا اور وہ بل گیٹس کو پیچھے چھوڑنے میں کامیاب قرار پائے ہیں۔
درحقیقت 2020 کے دوران ایلون مسک کے اثاثوں میں حیرت انگیز 100.3 ارب ڈالرز کا اضافہ ہوچکا ہے، اتنا ایک سال میں کوئی بھی کمانے میں ناکام رہا ہے۔
رواں سال جنوری میں وہ دنیا کے امیر ترین افراد کی فہرست میں 35 ویں نمبر پر موجود تھے، قسمت نے ان کا ساتھ دیا اور اگست میں پہلے وہ چوتھے اور پھر ستمبر میں تیسرے نمبر پر پہنچے۔