فٹبال کی دنیا کے عظیم کھلاڑی ڈیاگو میراڈونا 4 روز قبل انتقال کر گئے تھے۔ ذرائع کے مطابق ان کی موت دل کا دورہ پڑنے سے ہوئی لیکن ان کی موت کی جانب سے وزارت صحت کو کچھ شبہات ہیں۔
تاہم ارجنٹینا میں میراڈونا کی موت کی تحقیقات شروع کردی گئیں ہیں کہ ان کی موت طبعی تھی یا انہیں قتل کیا گیا۔
میراڈونا کی نرس نے جھوٹ بولنے کا اعتراف کیا ہے، نرس کا کہنا تھا کہ ''جس دن میراڈونا کا انتقال ہوا اس دن وہ میراڈونا کے کمرے میں گئی ہی نہیں تھی، ان سے زبردستی بیان دلوایا گیا''۔
رپورٹ کے مطابق پولیس نے سی سی ٹی وی ویڈیوز اور میراڈونا کے نرسنگ پینل سے پوچھ گچھ شروع کردی ہے۔