کورونا کے بڑھتے کیسز کے سبب حکومت کی جانب سے کراچی اور پاکستان کے دیگر شہروں میں اسکول مکمل طور پر بند کرنے کا فیصلہ سنایا گیا تھا جسے پرائیویٹ اسکول والوں نے چیلنج کر دیا ہے۔
ذرائع کے مطابق کراچی کے علاقے گلشن اقبال میں کئی نجی اسکولوں نے بچوں کی کلاسز معمول کے مطابق جاری رکھی ہوئی ہیں۔
تاہم ایک اسکول طلباء کو اسکول کھلے ہونے کے میسجز کر رہا ہے۔ اسکولوں میں ایس او پی کو مذاق بنا ڈالا جبکہ حکومتی پابندی کے باوجود تعلیمی ادارے بند نہیں کئے۔
مذکورہ صورتحال کی خبر جب لوگوں کو ہوئی تو انہوں نے شکایات درج کروائیں جس کے نتیجے میں اسسٹنٹ کمشنر گلشن اقبال نے پولیس نفری کے ہمراہ اسکولوں کا دورہ کیا جبکہ ایک اسکول کو سیل کرنے کے احکامات بھی جاری کیے۔
اس کے علاوہ جن علاقوں میں اسکول بند نہیں کیے گئے ان میں بلدیہ، شیرشاہ، گلستان جوہر اور ناظم آباد شامل ہیں۔