سعودی عرب کے ہنر مند آرٹسٹ عہود عبد اللہ کی بنائی پینٹنگ نے گنیز بُک میں جگہ بنا لی، کافی سے تیار کردہ دنیا کی سب سے بڑی پینٹنگ گنیز بُک آف ورلڈ ریکارڈ میں شامل۔
سعودی عرب کے ہنر مند آرٹسٹ عہود عبد اللہ نے اپنی مہارت کو بروئے کار لاتے ہوئے متحدہ عرب امارات کے قومی دن کی مناسبت سے سعودی اور متحدہ عرب امارات کے بانی رہنماؤں کی 'کافی' سے پینٹنگ تیار کی۔
یہ شاندار پینٹنگ 221 مربع میٹر پر محیط ہے جسے کافی کا استعمال کر کے 45 دن میں تیار کیا گیا، دنیا کی اس سب سے بڑی اور منفرد پینٹنگ کو گنیز بُک آف ورلڈ ریکارڈ میں شامل کر لیا گیا ہے۔
یاد رہے کہ دنیا کی یہ سب سے بڑی پینٹنگ جدّہ کے ساحل پر 'النورس گراؤنڈ' میں سجائی گئی ہے۔