دنیا بھر میں روزانہ ہی خطرناک حادثات اور واقعات کی ویڈیوز منظر عام پر آتی رہتی ہیں جنہیں دیکھ کر دل خوفزدہ ہوجاتا ہے بالکل ایسی ہی ایک ویڈیو منظر عام پر آئی ہے۔
کیلیفورنیا میں کم عمر ڈکیت بوڑھے شخص کو زخمی کرنے کے بعد اس کی گاڑی لے کر فرار ہوگئے، واقعے کی ویڈیو سوشل میڈیا پر وائرل ہوگئی ہے۔
بین الاقوامی میڈیا رپورٹ کے مطابق ان کم عمر لڑکوں نے گذشتہ ماہ وکٹرویل کے پٹرول پمت اسٹیشن پر رات گئے ایک معمر شخص کو تشدد کا نشانہ بنایا پھر معمر شخص کی جانب سے واقعے کی رپورٹ درج کرائی گئی جس پر پولیس نے تینوں ملزمان کو گرفتار کیا۔
مقامی پولیس کا گرفتاری سے متعلق کہنا ہے کہ جرائم میں ملوث کم عمر لڑکوں کو سی سی ٹی وی فوٹیج کی مدد سے گرفتارکیا گیا ہے، ان کا تعلق جرائم پیشہ گینگ سے ہے جو اس سے قبل بھی گلیوں اور سڑکوں پر پر لوٹ مار کی وارداتیں کرتے رہے ہیں۔
مقامی پولیس کی جانب سے واقعے کی سی سی ٹی وی فوٹیج جاری کی گئی ہے، جس میں دیکھا جاسکتا ہے کہ دو سیاہ فام لڑکے جو منہ پر نقاب لگائے وکٹرویل کے فیول اسٹیشن پر گاڑی میں فیول ڈالنے والے معمر شخص پر دھاوا بولتے ہیں، دونوں حملہ آور پہلے پہل معمر شخص کو ہراساں کرتے ہیں، بعد ازاں ان میں سے ایک چکمہ دیتے ہوئے معمر شخص کی گاڑی سے سامان نکال لیتا ہے۔