کینیڈا کے وزیراعظم جسٹن ٹروڈو بھی بھارتی کسانوں کے حق میں سامنے آگئے، بھارت نے ٹروڈو کے بیان کو بھارت کے معاملات میں مداخلت قرار دے دیا۔
تفصیلات کے مطابق کینیڈا کے وزیراعظم نے بھارت کسانوں کے حق میں بیان جاری کیا کہ ''کینیڈا بھارتی کسانوں کے پُر امن احتجاج کے دفاع میں ہمیشہ بھارتی کسانوں کے ساتھ ہے'' انہوں نے اس معاملے پر تشویش کا اظہار کرتے ہوئے تصدیق کی کہ بھارتی کسانوں کے معاملے پر کینیڈا بھارتی حکومت کے ساتھ رابطے میں ہے۔
کینیڈین وزیراعظم کے بیان پر بھارت برہم ہوگیا، کسانوں کی حمایت میں بیان کیوں دیا؟ بھارت نے کینیڈا کے ہائی کمشنر کو طلب کر کے احتجاج ریکارڈ کروا دیا، بھارت نے اس معاملے پر مؤقف اختیار کیا کہ اگر کینیڈا کی جانب سے ایسے بیانات جاری رہے تو دونوں ممالک کے باہمی تعلقات پر بھی اثر پڑ سکتا ہے۔
واضح رہے کہ بھارت میں گزشتہ کئی روز سے لاکھوں کسان زرعی قوانین کے خلاف سراپا احتجاج ہیں اور کینیڈا سمیت کئی ممالک اس معاملے پر تشویش کا اظہار کر رہے ہیں۔