ترکی میں ارطغرل غازی کے شہر سے سونے کے ذخائر دریافت، 99 ٹن سے زائد وزن۔
غیر ملکی میڈیا کے مطابق ترکی میں اسلامی تاریخ کے مشہور و معروف جنگجو ارطغرل غازی کے شہر سوگت سے تقریبا 100 ٹن سونے کے ذخائر دریافت ہوئے ہیں، جس کی قیمت 6 ارب ڈالر سے زائد ہے۔
اس حوالے سے ترکی کے زرعی شعبے اور کریڈٹ کارپوریٹیوز کے سربراہ فہراتین پوئراز نے اس دریافت کی تصدیق کی ہے کہ وسط مغربی ترکی کے علاقے سوگت سے 35 لاکھ اونس یعنی 99 ٹن وزن کے سونے ذخائر دریافت ہوئے ہیں۔
انہوں نے کہا کہ زمین سے نکلنے والے اس قیمتی ذخائر سے ملک کی معیشت میں بہتری آئے گی انہوں نے بتایا کہ اس سونے کی قیمت 6 ارب ڈالر سے زائد بنتی ہے۔
تاہم آئندہ دو برس میں ان ذخائر سے حاصل کیا گیا سونا ترکی کی معیشت کا حصہ بننا شروع ہو جائے گا جس کے بعد ترکی کی معیشت مزید مستحکم ہو جائے گی۔