کئی مرتبہ قدرت انسانی آنکھ کو ایسے ایسے منظر دکھاتی ہے کہ یقین کرنا مشکل ہو جاتا ہے کہ کیا واقعی ایسا ہے یا سمجھ کچھ اور آ رہا ہے۔ اسی طرح چین میں ہوا جس نے ہزاروں اور لاکھوں افراد کی عقل کو دنگ کر دیا۔
چین کے صوبے چنگھائی میں لوگوں نے آسمان سے ایک بہت بڑا آگ کا سا گولا گرتے دیکھا جس سے کئی افراد خوفزدہ ہو گئے۔
23 دسمبر کو چین کے چنگھائی صوبے کی ننگچیانگ کاؤنٹی میں آسمان میں ایک نہایت روشن گولا دیکھا گیا، جس نے لوگوں کو ڈرا دیا۔ یہ تیز رفتاری سے زمین کی طرف آتا محسوس ہو رہا تھا، یہ نظارہ صوبے کے دو شہروں میں دیکھا گیا، جو بہت خوفزدہ کر دینے والا تھا، پہلے اچانک آسمان میں آتشیں گولے جیسی روشنی چمکی اور پھر ایسا لگا جیسے تیزی سے وہ زمین کی طرف گر رہی ہو۔
نانگچیانگ اور یوسو شہروں میں بہت سارے لوگوں نے اسے دیکھا جبکہ اس کی ویڈیوز اور تصاویر کو کئی افراد نے تیزی سے شئیر بھی کیا۔
مقامی لوگوں کے مطابق جب وہ گولا وہاں سے گزرا تو انہوں نے تیز آواز بھی سنی۔
چینی میڈیا کے مطابق روشنی کا یہ گولا ایک روشن شہابیہ تھا، جو آسمان سے گزر رہا تھا، خوش قسمتی سے اس نے علاقے میں کوئی نقصان نہیں پہنچایا۔
چین کے ارتھ کوئک نیٹ ورکس نے بعد میں تصدیق کی کہ یہ بولائیڈ تھا جو ایک نہایت روشن شہاب ثاقب ہوتا ہے۔