ابوظہبی میں شیشہ سروس مشروط طور پر بحال، مشروط پابندیوں پر عمل درآمد جاری رکھنے کی ہدایت۔
تفصیلات کے مطابق متحدہ عرب امارات کی ریاست ابوظہبی میں شیشہ سروس مشروط طور پر بحال کر دی گئی ہے، تاہم سروس کی بحالی پر ریسٹورنٹس اور قہوہ خانوں کی انتظامیہ کو کورونا وائرس سے بچاؤ کے لیے مقررہ پابندیوں پر سختی سےعمل درآمد جاری رکھنے کی ہدایت بھی کی گئی ہے۔
عرب میڈیا کے مطابق شیشہ اور اس میں استعمال ہو نے والی اشیاء صرف ایک بار ہی استعمال کی جا سکیں گی، جبکہ ایک سے زیادہ بار شیشہ استعمال کرنے کی اجازت نہیں ہو گی، شیشہ پینے والوں کے لیے ریسٹورنٹس میں الگ جگہ مختص کی جائے گی جبکہ صفائی کا خاص خیال کیا جائے گا۔
واضح رہے کہ یو اے ای کی ریاست ابو ظہبی میں کورونا کی باعث شیشہ پینے پر پابندی لگائی گئی تھی تاہم دس ماہ بعد اسے بحال کر دیا گیا ہے۔