جزائر پر مشتمل جمہوریہ پالاؤ میں آج تک ایک بھی کورونا وائرس کا کیس رپورٹ نہیں ہوا، کیس رپورٹ نہ ہونے کے باوجود ویکسینیشن کا عمل شروع۔
غیر ملکی میڈیا رپورٹس کے مطابق چھوٹے جزائر پر مشتمل جمہوریہ پالاؤ میں آج تک ایک بھی کورونا وائرس کا کیس رپورٹ نہیں ہوا ہے تاہم اس کے باوجود حکومت کی جانب سے تمام شہریوں کو ویکسین فراہم کی جا رہی ہے۔
موڈرینا کی تیار کردہ کورونا ویکسین کی پہلی کھیپ جمہوریہ پالاؤ پہنچ چکی ہے اور مقامی محکمہ صحت کے مطابق تین جنوری سے ویکسین کی خوراک دینے کا عمل شروع بھی کردیا گیا ہے۔
تاہم موڈرینا کی تیار کردہ کورونا ویکسین کی پہلی کھیپ جمہوریہ پالاؤ پہنچ چکی ہے اور مقامی افراد کو ویکسین کی خوراک دینے کا عمل شروع بھی کردیا گیا ہے۔
غیر ملکی میڈیا رپورٹس کے مطابق پالاؤ اپنے نام یہ اعزاز بھی رکھتا ہے کہ اس کا کوئی بھی شہری اب تک عالمی وبا کا شکار نہیں ہوا اور کورونا ویکیسنیشن کے بعد مستقبل میں بھی اس کا کوئی امکان نہیں رہے گا۔
رپورٹ کے مطابق امکان ہے کہ جمہوریہ پالاؤ عالمی وباء کے خلاف اجتماعی مدافعت پیدا کرنے والا پہلا ملک بن جائے گا۔
واضح رہے کہ پالاؤ بحرالکاہل میں واقع جزائر پر مشتمل ہے، اور اس لحاظ سے دنیا کا پہلا ملک ہو گا کہ جس کی کل آبادی کو کورونا ویکسین لگ چکی ہو گی جبکہ وہاں پر کوئی کورونا کیس بھی سامنے نہیں آیا ہے۔