نئے سال کے آغاز پر واٹس ایپ نے کیا تبدیلی کی؟ لوگوں کے لیے خوش خبری

واٹس ایپ گزشتہ سال کے آخری ماہ سے ہی تنقید کی زد میں تھا کیونکہ کمپنی نے پرائیویسی پالیسی کے حوالے سے کچھ تبدیلی کی تھی کس کے مطابق صارفین کا ڈیٹا تھرڈ پارٹی بھی استعمال کر سکتی تھی۔

واٹس ایپ کی اس تبدیلی کے بعد ایپ کو شدید تنقید کا نشانہ بنایا گیا جس کے بعد واٹس ایپ نے وضاحتی بیان جاری کیا اور تمام تر خبروں کو افواہ قرار دے دیا۔

تاہم حال ہی میں واٹس ایپ صارفین کے لیے نئے سال کا تحفہ لایا ہے، صارفین کے لیے خوشی کی خبر یہ ہے کہ ایپ کا بیٹا ورژن استعمال کرنے والے صارفین کو آڈیو اور ویڈیو کال فیچر دستیاب ہو گیا ہے۔

واٹس ایپ کی ہر اپ ڈیٹ پر نظر رکھنے والی ویب بیٹا انفو کی جانب سے کیے گئے ٹوئٹ کے مطابق واٹس ایپ نے بیٹا ورژن میں مزید صارفین کے لیے ڈیسک ٹاپ پر کال کا فیچر متعارف کروا دیا ہے۔

فی الحال اس فیچر سے بیٹا ورژن صارفین ہی فائدہ اٹھا سکتے ہیں تاہم کہا جا رہا ہے کہ یہ فیچر تمام صارفین کے لیے بھی جلد دستیاب کر دیا جائے گا۔

مذکورہ فیچر کے ذریعے صارفین اسمارٹ فون کی طرح آن لائن بھی کال ریسیو کر سکیں گے تاہم واٹس ایپ کا یہ نیا فیچر ابتدا میں محدود پیمانے پر لانچ کیا جائے گا اور کال بٹنوں میں بھی بیٹا لیبل موجود ہوں گے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

651