ٹی وی اور انٹرنیٹ کی مشہور نوجوان آسٹریلوی خاتون ایبی چیٹ فیلڈ کو رئیلٹی شو کے دوران سانپ نے کاٹ لیا۔
آسٹریلیا میں ہونے والے ایک شو کے دوران 25 سالہ ایبی چیٹ فیلڈ نے ایک باکس کے اندر ہاتھ ڈالا تو سانپ نے انہیں کاٹ لیا، جس کے بعد وہ رونے اور چیخنے لگیں۔
وڈیو کے مطابق ایبی چیٹ فیلڈ کو جیسے ہی سانپ نے کاٹا تو انہوں نے فوراً چیخ کر کہا کہ یہ مجھے کاٹ رہا ہے۔ بعدازاں ایک شخص نے ان کو بچایا۔ شو کے میزبان نے بھی ایبی کو تسلی دی۔
یہ واقعہ اس وقت پیش آیا جب ایبی نے ایک باکس میں ہاتھ ڈال کر اسٹارز تلاش کرنے کی کوشش کی جو کہ شو کا حصہ تھا۔
خیال رہے کہ اس شو میں ایسے سانپوں کو استعمال کیا جاتا ہے جو کہ زہریلے نہیں ہوتے۔ تاہم ایبی واقعے کے بعد رونے لگی تھیں۔