ملکہ الزبتھ محض برطانیہ کی ملکہ نہیں بلکہ انہیں فیشن کی ملکہ کا لقب بھی دیا جائے ےو غلط نہ ہو گا۔ پرنس ولیم اور پرنس ہیری کی دادی کے بارے میں آج ہم آپ کو کچھ ایسی حیران کن باتیں بتانے جا رہے ہیں جو اس سے قبل یقیناً آپ کو معلوم نہیں ہوں گی۔

30 سال سے ایک ہی رنگ کی نیل پالش کا استعمال

ملکہ الزبتھ اگر کبھی نیل پالش لگائیں تو وہ صرف ایک ہی رنگ کی نیل پالش لگاتی ہیں جو کہ بیج کلر کی ہوتی ہے۔ جی ہاں! ملکہ پچھلے کئی سالوں سے اس رنگ کی نیل پالش لگا رہی ہیں۔ اور دلچسپ بات تو یہ ہے کہ صرف ملکہ نہیں بلکہ شہزادی کیٹ مڈلٹن کو بھی یہ رنگ نیل پالش کے لیے کافی پسند ہے۔

دنیا کی واحد خاتون جو پاسپورٹ استعمال نہیں کرتیں

برطانیہ کے ہر شہری کے پاسپورٹ پر ملکہ الزبتھ کا نام بھی درج ہوتا ہے، یہی وجہ ہے کہ ملکہ کہیں بھی سفر کرنے کے لئے پاسپورٹ کا استعمال نہیں کرتیں، اور وہ دنیا کی واحد خاتون ہیں جو بنا پاسپورٹ جب چاہیں کہیں کا بھی سفر کر سکتی ہیں۔

اسکول نہیں گئیں

کیا آپ جانتے ہیں کہ ملکہ الزبتھ کبھی بھی اسکول نہیں گئیں؟ جی ہاں ملکہ الزبتھ کو گھر میں تعلیم فراہم کی گئی۔ انہیں مختلف پروفیسرز گھر میں پڑھانے آتے تھے۔ ملکہ شروع سے ہی کافی ذہین تھیں۔

ملنے والے تحائف کی تعداد

تفصیلات کے مطابق ملکہ الزبتھ کو ہر سال لاکھوں کی تعداد میں تحفے تحائف موصول ہوتے ہیں۔ کچھ تحائف اس قدر عجیب ہوتے ہیں کہ ملکہ خود بھی حیران رہ جاتی ہیں۔