شوہر کے روپ میں بھوت کمرے میں آجاتا ہے، اہلیہ کا دعویٰ

گزشتہ دنوں بھارتی ریاست مدھیا پردیش کی ایک فیملی کورٹ کو اس وقت ایک عجیب و غریب کیس سننا پڑا جب ایک خاتون نے طلاق کی درخواست میں لکھا کہ اس کا شوہر بھوت دکھائی دیتا ہے۔

گوالیر کی فیملی کورٹ میں طلاق کا مطالبہ کرنے والی خاتون کا کہنا تھا کہ جب بھی اس کا شوہر کمرے میں داخل ہوتا ہے تو اسے بھوت نظر آتا ہے۔

خاتون کے مطابق اسے خدشہ ہے کہ بھوت اسے قتل کر دے گا اس لیے وہ اپنے شوہر سے طلاق لینا چاہتی ہے۔

رپورٹس کے مطابق اس جوڑے کی شادی 2018 میں ہوئی تھی، بیوی نے جب سے یہ بات شوہر کو بتائی ہے تو دونوں کے درمیان لڑائی ہرنے لگی ، اس لیے وہ اپنے شوہر کے ساتھ نہیں رہ سکتی۔

بیوی نے طلاق کی درخواست کے ساتھ شوہر سے ہرجانہ بھی مانگا ہے اور اس کے لیے اس نے الگ کیس دائر کیا ہے۔