شادی بیاہ ایک ایسا تہوار ہوتا ہے جس میں دلہن بننے والی ہر لڑکی کی خواہش ہوتی ہے کہ اپنی زندگی کے سب سے اہم دن پر وہ منفرد اور مختلف دِکھائی دے ایسے میں وہ یا تو لباس کو منفرد بنانے کی کوشش کرتی ہے یا اپنے ہئیر اسٹائل کو۔

تاہم آج ہم آپ کو شادی کے تہوار کے حوالے سے دلہنوں کی کچھ دلچسپ چیزیں بتانے والے ہیں جو انہوں نے اپنی شادی کے موقع پر کیں۔

٭ کوئٹہ سے تعلق رکھنے والی دلہن وظمہ

وظمہ اعوان جن کا تعلق کوئٹہ سے ہے، انہوں نے جو لباس اپنی مہندی اور بارات والے روز زیب تن کیا اس کے چرچے کئی روز تک سوشل میڈیا پر ہوتے رہے۔ ان کے مہندی کا لباس کافی منفرد طرز کا تھا۔ سر پر دلہنوں کو تاج پہنے تو ضرور دیکھا ہو گا لیکن اس نوعیت کا مخصوص تاج آپ نے یقیناً کسی دلہن کو پہلی مرتبہ پہنے دیکھا ہو گا۔ وظمہ نے چائنہ اور انڈونیشین کی دلہن خواتین سے متاثر ہو کر اس طرح کا اسٹائل اپنایا۔

وظمہ نے جو جیولری مہندی کے روز پہنی وہ بھی کافی حد تک منفرد تھی ساتھ ہی انہوں نے آرٹیفیشل پھولوں کی لمبی چادر اپنے بالوں میں لگا رکھی تھی جبکہ ان کے شوہر عثمان نے کالے رنگ کا کرتا پاجامہ زیب تن کر رکھا تھا۔

کچھ تصاویر ملاحظہ کیجیے۔

وظمہ نے بارات کے روز سنہرے رنگ کا روایتی بلوچی لباس پہنا جو کہ ان کی خالہ نے بنایا تھا۔

٭ سفید رنگ کی مہندی

اسی طرح ایک دلہن کی تصویر سوشل میڈیا پر وائرل ہو رہی ہے جس میں دیکھا جا سکتا ہے کہ اس نے سفید رنگ کی مہندی لگائی ہوئی ہے۔ جسے دیکھ کر لوگوں نے حیرانی کا اظہار کیا ہے۔

اِس حوالے سے اپنی قیمتی رائے کا اظہار ہماری ویب کے فیسبک پیج پر کرنا ہرگز نہ بھولیں۔