مگر مچھ جیسے وہشی جانور کا نام سنتے ہی انسان کے رونگٹے کھڑے ہوجاتے ہیں اور اگر آپ کو معلوم ہوجائے کہ مگر مچھ اپنی قید سے آزاد ہوکر فرار ہوگئے تو آپ خوف کے مارے اس جگہ سے کہیں دور چلیں جائیں۔
ایسا ہی واقعہ جنوبی افریقہ میں پیش آیا جہاں ایک فارم سے درجنوں کی تعداد میں خوانخووار مگر مچھ فرار ہوگئے، جس کے باعث لوگوں میں خوف و ہراس پھیل گیا، انتظامیہ کی دوڑیں لگ گئیں۔
غیر ملکی خبر رساں ایجنسی کی رپورٹ کے مطابق جنوبی افریقہ کے صوبے ویسٹرن کیپ میں بریڈنگ فارم سے مگر مچھوں کے فرار ہونے کی اطلاع کے بعد انتظامیہ نے شہریوں سے گھروں میں رہنے کی درخواست کر دی۔
انتظامیہ کے مطابق متعدد مگر مچھ فارم سے فرار ہو کر قریبی دریا میں چلے گئے تاہم محکمہ جنگلات کا عملہ، پولیس اور متعلقہ اداروں کی جانب سے ان کی تلاش جاری ہے۔
رپورٹ میں مزید معلوم ہوا کہ فرار ہونے والے نیل نامی مگر مچھوں کی لمبائی تقریباً 5 میٹر تک ہے۔ پولیس کا کہنا تھا کہ فرار ہونے والے مگرمچھوں کی تعداد زیادہ ہے جن میں سے 27 کو پکڑا جا چکا ہے تاہم مزید کی تلاش جاری ہے۔