اُف گرمی میں مجھے تو اے سی کے بغیر سکون ہی نہیں آتا ہے،،، توبہ اتنی گرمی ہے، چلو اے سی چلاؤ، کچن سے کام کرکے آئی ہوں، ای سی چلا لیتی ہوں، باہر سے گھوم کر آیا ہوں اے سی میں بیٹھ جاتا ہوں، ٹیوشن والی مس کے گھر تو بہت گرمی لگی چلو اب اے سی میں ٹھنڈی ہوا کھاتے ہیں۔
یہ وہ عام جملے ہیں جو ہر گھر میں ہی سنے جاتے ہیں اور بس جب اے سی گھر میں ہو تو اس میں مستقل بیٹھتے ہیں، اپنے بل کا خرچہ تو بڑھاتے ہی ہیں، ساتھ ہی ساتھ اپنی صحت کے لئے نقصان کرتے ہیں۔
کیا آپ کو معلوم ہے کہ مستقل اے سی میں بیٹھنے سے آپ کو کون سی بڑی بیماری ہو سکتی ہے یا اے سی آپ کو کس حد تک نقصان پہنچا سکتا ہے۔
٭ اے سی کا زیادہ استعمال آپ کو دمے کے مرض میں مبتلا کرسکتا ہے، اس سے آپ کے پھیپھڑے کمزور ہو جاتے ہیں، کیونکہ ٹھنڈی ہوائیں سیدھا آپ کے نتھنوں سے پھیپھڑوں تک منتقل ہوتی ہے، جوکہ آپ کو سانس کے مسائل میں مبتلا کرسکتی ہے۔
٭ اے سی کی وجہ سے جلد کی اوپری سطح پر اسکیل پڑ جاتے ہیں اور وہ جلد ہی مرجھا جاتی ہے اور اینٹی ایجنگ اثرات جلدی ہی ہو جاتے ہیں۔
٭ دانت کمزور ہوجاتے ہیں کیونکہ ٹھنڈک لگتی ہے جس سے گرم چیزیں کھائیں تو دانتوں میں ٹھنڈا گرم لگنے لگتا ہے۔