صرف چور ڈاکو ہی نہیں بلکہ ان کے علاوہ بھی لوٹ مار کرنے والے لوگ اس معاشرے میں موجود ہیں۔
گزشتہ دو روز سے ایک ویڈیو وائرل ہورہی ہے جس میں دیکھا جا سکتا ہے کہ بہت سارے لوگ سڑک سے نوٹ اکھٹا کر رہے ہیں جو کہ ان کے نہیں بلکہ وہاں سے گزرنے والے کس اور شہری کے تھے جو غلطی سے اس سے گر گئے تھے۔
یہ واقعہ اسلام آباد ایکسپریس وے پر پیش آیا جہاں کسی شہری کے 50 روپے کے نوٹ کی گڈی کھل گئی تھی جس کے باعث سرک پر نوٹ ہی نوٹ بکھر گئے، عوام نے اپنی سواریاں چھوڑیں اور نوٹ اٹھانا شروع کر دیئے۔
ویڈیو میں دیکھا جاسکتا ہے کہ ایکسپریس وے پر لوگوں نے اپنی گاڑیاں روک کر نوٹ جلدی جلدی جمع کیے جس کے باعث ٹریفک بھی رک گیا۔اس دوران گاڑی کے اندر سے ویڈیو بنانے والا شہری نوٹ متعلقہ شہری کو دینے اور رمضان کی دہائیاں دیتا رہا۔
ویڈیو بنانے والے شخص کے ساتھ گاڑی میں موجود خاتون کو بھی یہ کہتے ہوئے سنا جاسکتا ہے کہ سب کو اس شخص ( جس کے نوٹ گرے ہیں) کی مدد کرنی چاہیے۔