پاکستان کے دفترخارجہ نے کہا ہے سویڈن نے پاکستانی شہریوں کے لیے اسلام آباد میں ویزہ سروسز دوبارہ سے شروع کرنے کا اعلان کر دیا ہے۔پاکستانی دفترخارجہ کی جانب سے پیر کو جاری کردہ بیان میں بتایا گیا کہ ’پاکستان ور سویڈن کی وزارت خارجہ کے درمیان دوطرفہ سیاسی مشاورت کے بعد سویڈش حکومت نے پاکستانیوں کے کے لیے اسلام آباد میں ویزہ سروسز بحال کرنے کا اعلان کر دیا ہے۔‘دونوں ممالک کے وفود کے درمیان اس معاملے میں مشاورتی عمل دو جولائی کو سٹاک ہوم میں ہوا تھا۔دفتر خارجہ کے مطابق ’اس کے بعد اب مختصر مدت کے لیے سویڈن جانے والے پاکستانیوں کو ویزہ خدمات فراہم کی جائیں گی۔‘بیان میں مزید کہا گیا کہ ’سات جولائی (آج) سے پاکستانی شہری ملک میں ہی 90 دن تک کے شینجن ویزہ کے لیے درخواست دے سکتے ہیں۔‘دفتر خارجہ نے مزید کہا کہ ’پاکستان اس مثبت پیش رفت کا خیرمقدم کرتا ہے جو دونوں ممالک کے درمیان دوطرفہ روابط کو مستحکم کرنے کا باعث بنے گی۔‘