اس نوجوان نے ٹماٹر نہر میں کیوں بہائے؟ سبزی فروش کی داستان جان کر آپ بھی دلبرداشتہ ہوجائیں گے

اس جھلسا دینے والی گرمی میں محنت مزدوری کرنے والا انسان اگر آخری وقت تک گاہک کا انتظار کرتا رہے اور کوئی فروخت نہ ہو تو دل برداشتہ ہونا معمولی بات ہے۔ ایسا ہی کچھ رحیم یار خان کے ایک نوجوان سبزی فروش کے ساتھ ہوا ہے۔

تفصیلات کے مطابق رحیم یار خان کے سبزی فروش نے شدید گرمی میں خریداری نہ ہونے پر ٹماٹر نہر میں پھینک دیئے۔ رحیم یار خان کےسبزی فروش کا کہنا تھا کہ وہ سبزیاں بیچ کر اپنے گھر کا خرچہ پورا کرتا ہے۔

سبزی فروش کا کہنا تھا کہ اس شدید گرمی میں اسی امید کے ساتھ 4 گھنٹے گراہکوں کا انتظار کیا کہ آج خریداری ہوگی۔

جبکہ سبزی فروش نے مہنگائی کے بڑھنے پر بھی شکوہ کیا، کہا کہ مہنگائی کے بڑھنے سے بچوں کو کھانا نہیں کھلا پارہا ہوں، ہمیں دو وقت کی روٹی کھانا مشکل ہوگیا ہے۔ اسی لیے دلبرداشتہ ہوکر ٹماٹر نہر میں پھینک دیئے، جیس کی ویڈیو سوشل میڈیا پر وائرل ہوگئی۔