وزیر اعلیٰ سندھ کی جانب سے نئی پابندیاں جو کہ کورونا وائرس کے سبب عائد کی گئی ہیں ان پر عملدرآمد کروانے کی ہر ممکن کو شش کی جارہی ہے۔رات گئے پولیس اہلکار سڑکوں پر ناکے لگا کر لوگوں سے پوچھ گچھ کرتے رہے اور بغیر ضرورت گھروں سے نکلنے والوں کو گھر واپس بھیج دیا گیا۔
مزید یہ کہ کراچی کی کئی شہراہوں پر رکاوٹیں رکھ کر ٹریفک کی روانی کو کم کرنے کی کوشش کی گئی ہے جس کے مثبت نتائج بھی حاصل ہوئے ہیں کہ رات کو سڑکوں پر ٹریفک کی روانی معمول سے بہت کم دیکھی گئی۔ اس کے علاوہ کراچی کے مشہور و معروف علاقے صدر، ڈیفنس اور کلفٹن میں ایس او پیز کی خلاف ورزی پر کئی دوکانیں سیل بھی کر دی گئیں۔
واضح رہے کہ شہر کی صورتحال کا جائزہ لینے کیلئے وزیر اعلیٰ سندھ کے معاون خصوصی وقار مہدی نے مختلف علاقوں کا دورہ کیا اور انہوں نے کہا کہ وزیر اعلیٰ سندھ کے احکامات کے مطابق لاک ڈاؤن پر مکمل عملدرآمد کروایا جا رہا ہے۔