میاں بیوی آپس میں پیار محبت سے رہیں تو ہی ایک گھر بنتا ہے، لیکن اگر دونوں میں اختلاف ہو جائے تو شاید محبت بھی کمزور پڑ جاتی ہے۔ اس رشتے میں پیسے سے زیادہ احساس معنیٰ رکھتا ہے، لیکن جب پیسے نہ ہوں تو یقیناً خواہشات آپ کی محبتوں میں دراڑ پیدا کر دیتی ہیں۔
آج ہم آپ کو ایک ایسے غریب شخص کی کہانی بتانے جا رہے ہیں جس کے گھر میں کئی ماہ سے صرف سبزی پک رہی تھی کیونکہ اس کے پاس گوشت خریدنے کے پیسے نہ تھے اور ایک دن جب وہ گوشت لایا اور بیوی سے فرمائشی کھانا بنانے کا کہا تو اس کی بیوی سے کھانے میں نمک زیادہ ہوگا۔
کھانے کا نوالہ منہ میں رکھتے ہی اس کو بُرا لگا کہ اتنے دنوں بعد گوشت نصیب ہوا اور اب اس میں نمک تیز کر دیا، اس کو بہت غصہ آیا مگر اس نے بیوی کو کچھ بھی نہیں کہا، صرف اور صرف یہ سوچ کر کہ اگر اس جگہ میری بیٹی ہوتی تو بھی میں یہی دعا کروں گا کہ میرا داماد میری بچی پر رحم کرے، اس کی غلطی کو معاف کرے، جب خدا اپنے بندون کی اتنی بڑی غلطیوں کو معاف کر سکتا ہے تو میں اپنی بیوی کی اس معمولی غلطی کو کیوں معاف نہیں کرسکتا۔
میں اس کا دل نہیں دکھا سکتا، اتنے دنوں سے
گھر میں صرف سبزی پک رہی تھی، مگر میری بیوی نے مجھ سے شکایت تک نہ کی، میں کیوں اس کو مزید تکلیف دوں، میری بیوی بھی تو کسی کے جگر کا ٹکڑا ہے، میں کیوں اس کو تکلیف دوں، اے اللہ میں نے تیری رضا کی خاطر اپنی بیوی کو معاف کردیا ہے۔