پاکستان میں کچھ باتیں بہت زیادہ عام ہیں چاہے وہ سنجیدہ ہوں، کارآمد ہوں یا نہ ہوں لیکن مشہور ضرور ہوتی ہیں اب جیسے آپ یہ ہی دیکھ لیں کہ کسی پبلک ٹوائلٹ جائیں، بازار جائیں، اسکولوں میں جائیں یا بلڈنگیں دیکھیں، کہیں نہ کہیں کوئی نہ کوئی موبائل فون نمبر لکھا ہوا ہوتا ہے۔
لیکن اس مرتبہ تو شرارتی نوجوانوں نے پی آئی اے کی جہاز کو بھی نہ چھوڑا۔ تفصیلات کے مطابق پی آئی کے جہاز کی کھڑکی پر ایک شرارتی نوجوان نے ایک موبائل فون نمبر لکھ ڈالا۔
جب عملہ صفائی کرنے لگا تو نمبر پر نظر پڑی۔ جسکے بعد پی آئی اے کے عملے نے مزکورہ نمبر پر واٹس ایپ میسج کیا اور یہ حرکت دکھائی تو نوجوان نے ایسا جواب دیا کہ جان کر سب کی ہنسی نکل آئی۔
مزکورہ نمبر سے میسج آیا کہ جناب یہ میرے دوست نے شرارت کی ہے، اسنے مذاق میں لکھ دیا ہے۔ آپ پلیز مجھ سے 1500 روپے لے کر اس کو سرف یا کلیننگ ڈیٹرجنٹ سے صاف کرلیں۔
آج سے پہلے پی آئی کی لاجواب سروس کے باکمال عملے کی تعریفیں تو سنی تھیں مگر اب تو بے مثال مسافر بھی دیکھنے میں آئے ہیں۔ اس خبر کے سامنے آتے ہی سوشل میڈیا پر تو نوجوانوں نے میمز بنانے بھی شروع کر دیئے ہیں۔