کوئی ہمیں اگر گالیاں دے گا تو ہم ۔۔ قومی اسمبلی ہنگامہ آرائی کے بعد ن لیگی رہنما کا کرارا جواب

قومی اسمبلی میں ہونے والی ہنگامہ آرائی اپوزیشن نے شروع کی, ایک نجی ٹی وی کے پروگرام میں اپنا موقف پیش کرتے ہوئے علی نواز اعوان نے کہا کہ گالیاں دینا اور بد تمیزی کرنا ہمارا کلچر نہیں بلکہ یہ ن لیگ کا کلچر ہے اور کہا کہ میں اسمبلی میں بیٹھا ہوں اگر کوئی مجھے کچھ کہے گا تو میں کیا کچھ نہ کہوں۔

جبکہ آج 3 سال ہو گئے ہیں وزیراعظم ایوان میں آتے ہیں تو انہیں اپنا مؤقف پیش کرنے نہیں دیا جاتا اور جب شاہ محمود قریشی بات کرتے ہیں تو انہیں بھی بات نہیں کرنے دی جاتی اور اگر مراد سعید اسمبلی میں کسی بھی مسئلے پر اپنا مؤقف پیش کرنا چاہیں تو اپوزیشن اٹھ کر چلی جاتی ہے۔

اس کے علاوہ پروگرام میں علی نواز اعوان کی طرف سے کی گئی باتوں کا جواب دیتے ہوئے علی گوہر بلوچ نے کہا کہ گالیاں علی نواز اعوان کی طرف سے ن لیگی رکن شیخ روحیل اصغر کو دی گئیں، جس کا ہم نے جواب دیا اور جہاں تک میری بات ہے تو میں نے علی نواز اعوان کی گالیوں کے جواب میں گالیاں نہیں پھول پھینکے اور میرے نعرے علی نواز اعوان کی گالیوں کے جواب میں پھولوں کی مانند ہیں۔ اور ساتھ ہی ساتھ یہ بھی واضح کر ڈالا کہ اگر کوئی ہمیں گالیاں دے گا تو ہم خاموش کیسے رہ سکتے ہیں ۔