گرمی کی چھٹیاں ہر سال ہی ہوتی ہیں وہ بھی جون اور جولائی میں، لیکن جب سے کورونا وائرس آیا تو اسکول بند ہوگئے اور آن لائن کلاسز ہوئیں۔ اس مرتبہ جوں ہی محکمہ تعلیم کی جانب سے یہ اعلان کیا گیا ہے کہ باقاعدہ اسکول کُھل گئے ہیں اسی دوران گرمی کی حالیہ لہر پنجاب بھر میں شدت اختیار کرگئی اور اسکولوں کو بند کرنے یا گرمی کی چھٹیاں دینے کے حوالے سے تشویش بڑھ گئی۔
مگر آج ڈائریکٹر اکیڈمک سعدیہ عدنان کی جانب سے نوٹیفکیشن میں بتایا گیا ہے کہ: '' صوبے پنجاب کے تمام تعلیمی ادارے اٹھارہ جولائی سے یکم اگست تک بند رہیں گے۔ دو اگست سے تعلیمی سرگرمیاں دوبارہ بحال کی جائیں گی۔ پہلی سے ساتویں جماعت کے طلبہ و طالبات کو بغیر امتحانات کے پاس کرنے اور پروموٹ کرنے کا بھی کہا گیا ہے، لیکن بغیر امتحان سے مقصد یہ ہے کہ بچوں کا ٹیسٹ لیا جائے گا اور اس میں اگر فیل ہوئے تو اسے فیل نہیں سمجھا جائے گا۔
فیصلے کے بعد پنجاب کے طلباء تو بہت خوش ہیں کیونکہ ان کو مزید چھٹیاں مل گئی ہیں۔ مگر اس وقت طلباء کے لئے سب سے اہم ٹیسٹ ہے، جس کی تیاری ان کو لازمی کرنی ہے۔ آٹھویں جماعت کے طالبِ علموں کے لئے مکمل امتحانات کا فیصلہ کیا گیا ہے۔ البتہ سندھ حکومت نے ایسا کوئی بیان اب تک نہیں دیا ہے۔