ماضی کا بچوں کا مشہور پاکستانی کلاسیکی ڈرامہ " عینک والا جن" اب ایک مرتبہ پھر سے " ریٹرن اف نستور" کے نام سے سب نامی نجی ٹی وی پر نشر کیا جا رہا ہے۔دراصل یہ ڈرامہ عینک والا جن کا سیکوئل ہے اور ڈرامے ریٹرن اف نسوتر کی کہانی بھی عینک والا جن کی طرح پریوں،جادوگروں اور جنوں کے اردگرد گھومتی نظر آتی ہے۔
لیکن اس مرتبہ دور حاضر کے تقاضوں کو مدنظر رکھتے ہوئے اس ڈرامے میں جدید ٹیکنالوجی استعما ل کی گئی ہے تاکہ دیکھنے والے زیادہ محظوظ ہو سکیں اور لوگ اپنے بچپن کے ڈرامے کو دیکھنے کیلئے پرجوش ہیں جس کا منہ بولتا ثبوت یہ ہے کہ یوٹیوب پر اس ڈرامے پر تبصرہ کرتے ہوئے آفتاب نامی شخص نے کہا 26 برسوں بعد میں یہ ڈرامہ دوبارہ دیکھنے کیلئے بے تاب ہوں۔
جبکہ جینیفر نامی خاتون نے تبصرہ کرتے ہوئے کہا کہ یہ ڈرامہ کب کا بنا ہوا ہے لیکن کوئی چینل اسے چلانے کیلئے تیار ہی نہیں ہو رہا تھا جس پر میرا دل بہت دکھتا تھا لیکن اب سب ٹی وی نے یہ کارنامہ کر دکھایا ہے اور اب میں بہت خوش ہوں۔
واضح رہے کہ ڈرامہ "عینک والا جن " 1993 سے لے کے 1996 تک پاکستان کے سرکاری ٹی وی پر نشر ہوا اور اسکی کہانی جنوں، پریوں اور جادوگروں کے گرد گھومتی تھے جبکہ یہ ڈرامہ بچوں بڑوں سب میں بے حد مقبول تھا۔