علم حاصل کرنے کا شوق لوگوں کو سب سے زیادہ فائدہ دیتا ہے اور یہی وجہ ہے کہ دنیا بھر میں تعلیم کو سب سے زیادہ اہمیت دی جاتی ہے۔ ایک بچی کی خبر بھارتی میڈیا پر گردش کر رہی تھی جو اب دنیا بھر میں وائرل ہوچکی ہے۔ اس کے مطابق جھاڑکھنڈ کے علاقے جمشید پور
ایک بچی جس کو تعلیم حاصل کرنے کا شوق ہے وہ صرف 11 سال کی ہے اور اس نے پڑھنے کے لئے آم بیچنے شروع کئے تو ایک تاجر نے اس کو ایسی مدد کی وہ خوشی سے نہال ہوگئی۔
11 سالہ بچی کا نام تلسی کماری ہے وہ کہتی ہے کہ: ''
مجھے پڑھنے کا بہت شوق ہے اور ابا کے پاس اتنے پیسے نہیں ہوتے کہ وہ ہمیں سکول بھیج سکیں، لیکن اب آن لائن کلاس لینے کے لئے مجھے موبائل فون کی ضرورت تھی، جس کے لئے ابا کے پاس پیسے نہیں تھے، میں کیسے پڑھتی؟ اس لئے میں نے ابا کی اجازت سے آم بیچنے شروع کر دیئے اور آم بیچ کر جو جو پیسے ملتے میں روزانہ وہ پیسے اپنی ماں کو دیتی جاتی کہ وہ جمع کرلیں۔
مجھے نہیں پتہ تھا کہ مجھے اتنی جلدی اتنے پیسے مل جائیں گے۔ ایک دن بڑی گاڑی سے ایک آدمی نکل کر آیا اور اس نے مجھ سے آموں کا بھاؤ پوچھا، میں نے بالکل ویسے ہی بتایا جیسے میں سب کو بتاتی تھی، اس نے مجھ سے ایک درجن آم خرید لئے، ابھی پیسے نہیں دیئے تھے اور پوچھا کہ لڑکی یہاں آم کیوں بیچ رہی ہو؟ تمھارے گھر والے کہاں ہیں اور یہ پاس رکھی کتابیں کس کی ہیں، میں نے کہا کہ میری ہیں، مجھے موبائل چاہیئے آن کلائن کلاس لینی ہے ،میں نے اس کو سب کچھ بتایا اور پھر انہوں نے میری کاپی میں سوا لاکھ روپے رکھے اور چلے گئے۔
میں شام کو گھر گئی تو اپنی ماں کو یہ کاپی دکھائی، جس پر ماں نے بتایا کہ یہ اتنے لاکھ روپے ہیں۔ یوں میں نے موبائل بھی خرید لیا اور میرے ابا کی دوائی بھی آگئی، گھر کے کچھ خرچے بھی پورے ہوگئے۔
میں چاہتی ہوں کہ جب بھی کبھی وہ شخص میرے پاس آئے، میں اس کو فری میں آم دوں گی، کیونکہ ان کی وجہ سے اب میں سکون سے گھر میں بیٹھ کر تعلیم حاصل کر رہی ہوں۔