اگلے ہفتے سے کراچی میں مون سون کی بارشیں تباہی مچائیں کی اور محکمہ موسمیات نے گزشتہ سال سے زیادہ بارشیں ہونے کی نوید سنا دی ہے جبکہ اس ہفتے کے آخر میں مون سون ہوائیں شمال مشرقی پنجاب اور کشمیر میں داخل ہوں گی اسی مون سون ہواؤں کے باعث بارشوں میں شدت آئے گی۔
اس کے علاوہ پنجاب کے شہروں میں بھی تیز بارش کی پیش گوئی کی گئی ہے اور ان شہروں میں لاہور، فیصل آباد ،اٹک، چکوال، جہلم، اسلام آباد، قصور اور گجرات سر فہرست ہیں۔
اگر ہم خبرس پختونخواہ کے شہروں کی بات کریں تو دیر، سوات، شانگلہ، مانسہرہ، شانگلہ کوہستان اور ایبٹ آباد میں بارش متوقع ہے جبکہ گلگت بلتستان، خیبر پختونخواہ اور پنجاب کے ندی نالوں میں طغیانی اور لیڈ سلائیڈنگ کا خطرہ موجود ہے۔
واضح رہے کہ محکمہ موسمیات نے ملک کے بالائی وسطی علاقوں میں مون سون بارشوں کی پیشگوئی کی ہے جس کے مطابق یہاں ہفتے سے بدھ کے دوران بارشوں کا سلسلہ شروع ہو جائے گا۔