صوبہ سندھ میں تعلیمی ادارے ایک بار پھر بند کرنے کا فیصلہ کرلیا گیا۔
تفصیلات کے مطابق سندھ میں کورونا وبا کی چوتھی لہر کے دوران کیسز میں دن بہ دن اضافہ ہوتا جا رہا ہے جس کے باعث شہر کراچی سمیت صوبے بھر کے اسکول دوبارہ بند کرنے کا فیصلہ کر لیا گیا ہے۔
اسکول بند کرنے کا فیصلہ وزیرِ اعلیٰ سندھ مراد علی شاہ کی زیرِ صدارت صوبائی کوویڈ ٹاسک فورس میں ہوا جس میں کورونا کی صورتحال سے متعلق اہم فیصلے کیئے گئے جن کے تحت صوبے بھر میں اسکول پہلی سے آٹھویں جماعت تک جمعے سے بند کرنے کا فیصلہ کیا گیا ہے۔
کوویڈ ٹاسک فورس کے اجلاس میں فیصلہ کیا گیا کہ ان ڈور ڈائننگ پر بھی پابندی عائد ہوگی،علاوہ ازیں تمام پارکس، واٹر پارکس، سی ویو، ہاکس بے اور کینجھر جھیل بھی جمعے سے بند کرنے کا فیصلہ کیا گیا ہے۔