اکثر ایسا ہالی ووڈ کی فلموں میں دکھایا جاتا ہے کہ بارش کے باعث شہر میں سیلابی صورتحال پیدا ہونے کے بعد خونخوار مگر مچھوں کا جھنڈ گھروں کے باہر سڑک پر آجاتے ہیں اور مقامی لوگوں کا جینا محال کر دیتے ہیں۔
اب ایسا حقیقت میں بھارت میں دیکھا گیا کہ تیز بارشوں کے باعث ایک بڑے سائز کا مگر مچھ سڑک پر آگیا جس کے بعد لوگ خوف میں مبتلا ہوگئے۔
بھارت میں شدید بارشوں کے باعث سڑکیں گلیاں تالاب کا منظر پیش کرنے لگیں اور پانی کی سطح میں اضافے کے بعد دیکھا گیا کہ مگر مچھ سڑک پر آگئے جس کے بعد لوگوں میں خوف و ہراس پھیل گیا۔
بھارتی میڈیا رپورٹس کے مطابق انڈیا کی ریاست مہاراشٹر کے ضلع سانگلی کی سڑکوں پر ایک بڑے سائز کے مگر مچھ کی ویڈیو وائرل ہوئی جسےمقامی افراد نے روڈ پر چلتے ہوئے دیکھا۔
ویڈیو میں دیکھا جاسکتا ہے کہ مگر مچھ سڑک پر چلتے ہوئے آیا اور پھر سڑک کے دوسری جانب فورا پانی میں چلا گیا۔ کسی نے مگر مچھ کی ویڈیو دور سے بنائی تھی۔
یہ واقعہ ایسے وقت میں پیش آیا جب ریاست مہاراشٹر بارش، لینڈ سلائیڈنگ اور سیلاب کی لپیٹ میں ہے، سب سے زیادہ متاثرہ اضلاع تھانہ، رائے گڑھ، رتناگری، ستارا، سانگلی اور کولہ پور ہیں۔
ویڈیو ملاحظہ کیجیے۔