انڈے کھانے کے شوقین افراد نے اکثر دیکھا ہوگا کہ جب وہ تازہ انڈے توڑ کر فرائی پین میں ڈالتے ہیں تو انڈے کے اندر سے لال خون کے چھوٹے چھوٹے دھبے بھی آتے ہیں لیکن ایسا کیوں ہوتا ہے؟
ایک غیر ملکی ویب سائٹ کے مطابق انڈے کے اندر خون کے دھبے اس وقت موجود ہوتے ہیں جب مرغی کے انڈے دینے کےعمل کے دوران کوئی نس پھٹ جاتی ہے۔ یہ عام طور پر سب سے زیادہ اس وقت ہوتا ہے جب ایک مرغی کے روزانہ انڈے دینا شروع ہو جائے۔
بیشتر طور پر ایسے انڈے اس وقت آپ کے گھروں میں آجاتے ہوں گے جب آپ اپنی قریبی دوکان سے انڈے خریدتے ہوں گے۔
کیا ایسے انڈے کھانا صحت کے لیے نقصان دہ ہوتے ہیں؟
خون کے دھبے کافی عام ہوتے ہیں اور تشویش کا باعث نہیں ہوتے۔ وہ کھانے کے لیے بالکل محفوظ کہلاتے ہیں ، آپ چاہیں تو اس سرک حصے کو چمچ کی مدد سے باہر نکال کر الگ کر سکتے ہیں۔