پاکستان انٹرنیشنل ائیر لائن (پی آئی اے) کے جہاز میں مسافروں نے کچرے اور گندگی کے ڈھیر لگادئے جس کی تصاویر سوشل میڈیا پر وائرل ہورہی ہیں۔
تفصیلات کے مطابق پاکستان انٹرنیشنل ایئرلائنز کے چارٹرڈ طیاروں کی صفائی پر سوالات اٹھ گئے ، مسافروں کی جانب سے طیارے میں صفائی ستھرائی کی خلاف ورزی پر عملہ اور انتظامیہ نے تاحال کوئی ایکشن نہیں لیا۔
پی-کے 9785 کے مسافروں نے مبینہ طور پر پی آئی اے کے طیارے کو کوڑے دان میں تبدیل کر دیا تھا کیونکہ انہوں نے جہاز کے فرش پر بچا ہوا سامان پھینک دیا تھا۔
عملے کو سیٹوں اور فرش پر پڑے کچرے کو اچھی طرح صاف کرنا پڑا۔
قومی ائیرلائن کی جانب سے مسافروں سے درخواست کی گئی ہے کہ سفر کے دوران صفائی کا خاص خیال رکھا جائے۔
مزید برآں، پی آئی اے کے ترجمان نے بتایا کہ لندن سے واپس آنے والی پرواز صفائی میں وقت لگنے کی وجہ سے تاخیر کا شکار ہوئی۔
فلائٹ پی کے 9785 سے کچرے کے ڈھیر کی تصاویر سوشل میڈیا پر وائرل ہورہی ہیں۔