پی ٹی آئی کے اسلام آباد مارچ کے پیش نظر لاہور پولیس نے پارٹی کارکنوں اور مقامی رہنماؤں کے خلاف کارروائیوں کا سلسلہ تیز کر دیا ہے۔
پولیس ذرائع کے مطابق بانی پی ٹی آئی کی بہنوں سمیت 29 افراد کو 30 روز کے لیے نظر بند کر دیا گیا ہے جبکہ پارٹی کے 37 متحرک کارکنوں اور مقامی رہنماؤں کو حراست میں لیا گیا ہے۔
ذرائع کا کہنا ہے کہ مذکورہ افراد کی نظر بندی تھری ایم پی او کے تحت عمل میں لائی گئی ہے جبکہ چار مقامی رہنماؤں کو 9 مئی سے متعلق مقدمات میں گرفتار کیا گیا ہے۔
پولیس ذرائع کے مطابق اسلام آباد مارچ کے تناظر میں امن و امان برقرار رکھنے اور ممکنہ صورتحال سے نمٹنے کے لیے مزید گرفتاریاں بھی جاری ہیں۔ کارروائیوں کے لیے پہلے سے مرتب فہرستوں کی بنیاد پر پی ٹی آئی کارکنوں اور مقامی رہنماؤں کو حراست میں لیا جا رہا ہے۔