گھر میں اگر پر اسرار طور پر کسی قسم کی کوئی آواز سنائی آئے تو انسان ڈر جاتا ہے، خوف میں مبتلا ہوتا ہے۔ حیرت کرنے لگتا ہے کہ یہ کیا ہو رہا ہے؟ اگر آپ کے گھر کے کسی بھی حصے سے اچانک خون ٹپکنے لگے تو آپ کیا کریں گے؟ یقیناً ڈر جائیں گے اور ادھر ادھر بھاگ دوڑ کریں گے۔ ایسا ہی ایک امریکی شخص کے ساتھ ہوا۔
امریکی ریاست اوکلاہاما میں کینیڈی نامی ایک شخص اپنے بچوں کے ہمراہ ایک فلیٹ میں رہتا تھا۔ اچانک کچن کی دیواروں سے خون ٹپکنے لگا۔ گھر والے پریشان ہوگئے۔ کینیڈی نے پولیس کو خبر کی اور اس دیوار کو توڑا۔ جب دیوار توڑی تو اندر سے کچھ بھی نہ ملا۔ لیکن جب پولیس نے مزید تفتیش کی تو معلوم ہوا کہ یہ خون اس فلیٹ کے اوپر والے فلیٹ سے نکل رہا ہے۔
کیونکہ اوپر والے فلور پر ایک شخص نے خودکشی کرلی تھی۔ آدمی نے اپنی گردن کاٹ کر خودکشی کی، اس کا خون بہہ کر ایک پائپ کے ذریعے نیچے کینیڈی کے گھر میں ٹپک رہا تھا۔ جس سے سب خوفزدہ تھے۔ جب یہ معاملہ حل ہو پتہ چلا کہ مرنے والے شخص کی خواہش تھی کہ وہ خودکشی کرکے اس دنیا سے جائے۔